قلتلك هتتعب يا قلبي

زائر

قلتلك هتتعب يا قلبي
قلتلك دول مش حبايبي
قلتلك هتسهر و تعاني
وهترجع مكسور وحداني
سألتك ايه آخر الغرام
قلتلي أيام حلوه واشوية كلام
غاوي يا قلبي تعذبني
غاوي ترجع بالجراح معبي
قلتلك هتتعب يا قلبي
قلتلك دول مش حبايبي
**** **** ****
قلتلك ألف لأ.. وهي آه
دقيت ألف دقه ومشيت وراه
قلتلك ياما حب قبلك
قلتلك خليك على أدك
ما صدقتنيش وأديك حبيته
آخرتها باعك انت ودمعك اللي بكيته
قلتلك سيبك منه وانساه
قلتلك اوعى ترق
اوعى تخيب وتعد جنبي
قلتلك هتتعب يا قلبي
**** **** ****
قلتلك هنتألم
قلتلك بلاش نضحك للهوى وانسلم
قلتلك اللي بتحبه أناني
ودموع العين ما بترجعش تاني
وخليتك لشوقك
قلتلي الحب مش على زوقك
تشوفه.. تحبه.. ويأسرك
لو انت حجاره يكسرك
ياخدك للحلم اشويه
يهون عليك وعلي
وبعدين أدينا بنتعلم
والقدر هو اللي بيرسم دربي
قلتلك هتتعب يا قلبي
قلتلك دول مش حبايبي
_________________