غدر بنت

أهي شايفها هناك ماسكة إيديه وعاملة ملاك
وهو يا عيني مش عارف إن نهايته معاها هلاك
بتصور له الحلم الوردي اللي معاها في يوم يلاقيه
وان الجنة في حضن عينيها وإن العمر كله ليه
آه دلوقتي أنا حاسس بيه عارف باللي بيفكر فيه
أه لو تعرف إن مكانك قبلك كنت أنا موجود فيه
كنت عزيز على قلبها زيك لكن غدرت بيَّ في يوم
كانت تقول لي والله في بعدك عمر العين ما يجيلها نوم
وأهي قدرت وبعدت وسابت قلبي لوحده يعاني
دقت عذاب الغدر ومره وأهو قلبي عايش وحداني
أصلها قبلي سابت ياما ضحايا يا عيني كتير قوي
التمثيل عندها ده هوايه تجرح ياما وقلبها قوي
في الأول هتقول لك إنك أغلى من نور عينيها
وأول ما تتمكن منك هتقول لك إنك مش ليها
هتفضل تسأل نفسك ليه عملت هي كده ليه
وهتفضل تراجع نفسك يا ترى إنت غلطت في إيه
مهما تبكي قدام عينيها ومهما تتذلل لقلبها
عمرك ماهترجع ليها ماهي حكمت وبتنفذ حكمها
هتعيش أيام مش هتنساها الدمع ما بيفارق عيونك
وصورتها عايشة قدامك والنوم ما بيجيش جفونك
وهتصعب عليك نفسك وتبدأ تحاول تنساها
ومهما حاولت تنسى هتحس قلبك لسه معاها
وإنت لسه على هذا الحال هتمر أيام كتير
لكن هييجي يوم تنساها فيه ويرتاح البال
وهتييجي وتقف مكاني تلاقيها بتخدع واحد تاني
ساعتها هتندم وتقول
نبض قلب حب ياريتني ما حبيتك وفضلت عايش وحداني

مفيش حاجة ظاهرة عندي

بس عموما ميرسي ليكو