عارفين الشعور دة ..؟؟؟

عارفين الشعور ده

عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده

عارفينه.......!!!!!!


عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش



طيب عارف
لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها

عارفين الشعور ده



طيب عارفين

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه

عارفين الشعور ده؟؟



عارفين لما تكونوا اصحاب متجمعين فى يوم كده
و كلكوا مهيسين و بتدحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلا بتدحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكو


طيب عارفين

لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى

هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف

و تفضل تغرق و مش لاقى مساعده



طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول

اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه


طيب عارف
لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى

تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه


و الشعور اللى بتحسه دة كلو مش بيتوصف بكلمات اصلا
بيبقى عميق اوووى
بيبقى جاى من جواك
و مش عارف اصلا هو اتولد ازاى جواك

يارب الموضوع يعجبكم

مستنيه ردودكم

وتقولوا انتوا كمان ده بيحصل معاكم ولا لا؟؟؟؟
_________________

احســـــــــايس صعبة اوووي وكلها بتحسس بالوحدة واصعب حاجة لما الواحد يحس انه لوحده مفيش حد حاوليه
انا اغلب الاحاسيس دي بتحصل معايا
ساعات بيكون جنبي اقرب الناس ليا بس بكون متدايق والمشكلة انا نفسي مش عارف في ايه ..
في حاجات جوايا انا نفسي مش عارفها ولما اكون انا مش عارفها مقدرش اطلب من اقرب حد ليا انه يغير مودي لانه اكيد هو كمان مش عارف

وفي ســــــــاعت بكون جنب اقرب حد ليا وبحس اني طــاير فالما وانا جنب

.. وميرسي بجد عالموضوع والمجههود الكبير ده

مرسيه يا قمر عـــ الموضوع وانا عن نفسى بحس بالشعور ده كتير اوي اوي

ميرسي ياقمر
ثانكس سيمو


اصعب حاجة لما تحس انك بين اقرب الناس ليك بس منسي او مش حاسين بيك
بس لما تكون مخبي جواك ومبين ابتسامة يبقى هما ملهمش ذنب
بس ساعتها هتصعب عليك نفسك لما تفتكر زمان الناس اللى كانت بتحس بيك من نظرة عنيك بتحس كل كلامك من لمسة اديك

الناس دول لو بيحسو بينا بجد مكانوش بعدو عننا مدام بيفهمونا وبيخافو علينا وعارفين الي هيحصلنا من غيرهم

او يمكن في ظروف خلتهم يبعدو عننا - الله اعلم -

مرسى